Tsimitsutu rowatsu’u wabdzuri

Messages from nature when communicating with silenced beings

Resumen

Ahã rõmhöiba dzarina, imanharĩ dahã, mãrã ‘udzé hã damrémé na, tãmã irobdza hamrina ‘rotsa ‘rada hã ró wahuré duré aihini dapódó hã duré damrémé, aihini danhimi dzadaihu’u na hã duré damrémé, ãhã rótso’ra dahã, te dahöimana dza’ra, ró ‘udzé remhã uburé róhã, te dahöimana dza’ra, ró ‘udzé remhã uburé róhã, Datsiporepu hã date repibuiwẽ dza’ra, duré teretsima nhari dza’ra, niha tere dahöimana dza’ra dahöimana dzé wawamhã. Damréme wadzéb’o A’uwẽ remhã, rób’udzé, tewe rób re tsitsa’ra róhã duré rob’udzé ma rómanhari dzé hã, duré daporepu wa’rudu hã, uburé ãmã idahöimana dza’õ, te ãmã redahöimana predubdza’ra, uburé rómnahã duré damrémé hã, dahöiba tsi, mari te, dahöimana hã aiwaptsi, A’uwẽ hóiba duré A’uwẽ hóiba ‘ó, danhipte te na, Wahuré marã hã date repibudza’ra. Ãné domrémé wa’rudu  hã, te retsada öbö ró hã, mitsi damrémé wa’õnõ te höimana, A’uwẽ hóiba mã duré A’uwẽ hóiba õ mã. Marã na hã, e niha ro’hã te höimana, niwamhã rób’re duré rób’udzé, hã itsiré hã. Romdza nhamri remhã tô ãhãna hã, dapore pu, Tsi nori hã tere tsitsa re ró höiba ‘amo’u, niwamhã, rób’udzé wa’wa, tsi norĩ hã A’uwẽ tere porepu’u dza’ra. Ahã rouwatsu’u hã tsi hawimhã ‘rouratsu’u ĩwé, taha dzahã, wate re waihu’u dza’ra robdzei õna hã. Ãhã rouratsu’u hã ‘Ri’alaö remhã, te höimana aihinimã A’uwẽ norĩma, tsi norĩ ãma i’rotsa ‘radahã tô tsi norĩ hã, duré rópipa te dza watsu’u dza’ra. Ãhã na datsima ró waihu rówatsu ‘u na wadza ãma rómnhõré dza’ra ni Ti’a wahuré nahã duré wamré uwaibabana, bötö bore ãma iwahôimana dza’ra mano na hã, wadzadari hã, tsi hã tsi’utori õna hã, tsiptete da, Ãnétsi, wa höimana dzé höiwi te dza, wa’wa A’uwẽ Uptabi. Dahöimana dzé baba wamhã. Dahöiba uptabiré, babadi.    

Damreme-tówa’ra: Ró manhãri iwẽ hã a’uwẽ ma hã; Tsimitsutu rowatsu’u mrémé; Damrémé rób’udzé mé hã.